بسم الله الرحمن الرحيم
كل سنه وكل الاعضاء بخير وصحه وسعاده
التوبيك ده انا هاقول فيه معظم الحاجات اللي الناس مابتعملهاش غير في رمضان بس
نبدأ بالبنات
1_تلاقي كل البنات لبست الحجاب فجأه في رمضان واخر يوم في رمضان تقوم شيلاه
2_تلاقي البنات بطلت تحط مكياج
3_تلاقي معظم البنات غيروا استايل لبسهم وبقي محترم جداااا
4_ماتقليش بنت قاعده مع ولد ولا بتهزر ولا بتسلم ع ولد
5_تلاقي الايمان والتقوي نزل عليها فجأه كده والقرأن شغال والسبحه في الايد التانيه والصلاه بقي ايه ماقولكوش
وهي يمكن اول مره تصلي من رمضان اللي فات
نيجي بقي للولاد
1_الحمد الله تلاقي البناطيل الساقطه الحمد الله نجحت واترفعت
2_تلاقي كل واحد منهم طول النهار في الجامع وهو عمره ما ركعها
3_تلاقي المصحف مش بيسيبه من ايده وهو لسه ماسح التراب من عليه اول يوم رمضان من ساعه ماسابه من رمضان اللي فات
4_تلاقيه يبطل بقي يعاكس البنات بس قبل الفطار بس بعد الفطار لالالالا شغااااااااااااااال يعني المعاكسه الصبح لا وبلليل شغال
سبحان الله
تلاقي بقي شرب السجاير يقل طبعا مش عشان هو عايز كده لالالالا ده عشان الصيام
5_تلاقي كل اللي عايز يبطل تدخين يقولك انا هاستني لحد رمضان وهابطل عشان الصيام وهايساعدني وكده وتلاقيه اول ما المغرب بيأذن يفطر علي سيجاره
6_تلاقي الشباب كلهم قلعو السلاسل والحظاظات والانسيالات من ايديهم
7_تلاقيه مابيبصش ع بنت خاااااااااااااااااااااااااااالص
سبحان الله والله فعلا
دي مش كل الحاجات بس دي اللي قدرت افتكرها
بس المهم هي ليه الحاجات دي مابتحصلش غير في رمضان بس ؟؟
ليه كل ده مابيحصلش غير في رمضان بس مع انه كل الحاجات دي صح جدااااااااااااا
ليه بقي .؟؟؟؟؟؟؟؟؟
اشمعني في رمضان ؟؟؟؟